I ha mi Lebtig nüt so gseh,
So eine, nei, git's keine meh';
Er tuet, as seig er Wunder wer,
Und stammt doch au nit gar wit her.
Me chennt de Großhans überall,
Er jagt dur d'Berg, er jagt dur's Tal;
Do heißt's: usweg! und wenn's bigost
En arme Ma si Hüsli chost.
E fini Nase het er au
Wo näume am e Herd e Frau
E Suppe chocht, e Kaffi macht,
E Würstli brotet, Strübli bacht,
Do macht er si gli drüber her,
Wie wann er extra glade wär.
Er schwitzt au gern im heiße Bad,
Stigt lustig drus und grift in's Rad.
Doch bringt me ne vom Wirtshus heim,
Ist d'Frau im Stand sie balgt mit ei'm.
