Seite 1 von 1

ADVENT ...

BeitragVerfasst: 27.11.2013 21:43
von jerry
advent

advent, advent, a kerzl brennt!
jetzt kummt de ruhich-scheene zeit,
auf de ma si a jeds joah gfreit,
mit striezl und mit keksal bochn
und de vuaweihnochtlichn sochn.
es riacht scho healich aus da rean!
de bocharei wiad leiwaund wean.
advent, advent, a kerzl brennt!

advent, advent, no a kerzl brennt!
3 wochn nua mea bis zum fest!
wiad zeit, dass d in de gschäfta gehst!
nau guad, daunn weari hoit glei muagn
gaunz gmiadlich de geschenk' besuagn!
de listn is jo uandlich laung!
doch net unendlich - gott sei daunk ...
advent, advent, no a kerzl brennt!

advent, advent, dritt's kerzl brennt!
de zeit wiad knopp, jetzt geh i's au,
wäu boid scho kummt da weihnochtsmau!
de iwasicht, de föht ma boid,
mit wos i wen beschean soit!
wea hod ma vurigs joah wos gem?
und mid wos liegat i danebm?
advent, advent, dritt's kerzl brennt!

advent, advent, des kranzl brennt!
des is a zores mit de sochn!
jetzt muaß i ollas nomoi bochn!
de keksaln san so gschmackig gwesn,
nua howis hoit inzwischn gfressn!
harrgott, wos bin i wieda dumm:
stess mitn blech de keazn um!
advent, advent, des kranzl brennt!

advent, advent, da christbam brennt!
maa, is des schee, dea keaznschimma
beleichtet des bescherungszimma!
da schtress foit oh, wia jedes joah,
wäu i no heit eikaufm woa.
he, wos is des? ein flammenmeer!
geh bitte ruafts de feiawea!
advent, advent, da christbam brennt!

---------------------------------------------

i winsch eich an leiwaundn advent, scheene feiatog, net zu vüü köödn.
i vazupf mit in wäamare gefielde, bis s doda aa wieda wäama wiad!

bis daunn, pfiat eich, baba!

Re: ADVENT ...

BeitragVerfasst: 29.01.2014 11:17
von Jo.
Und jetzt noch eine Übersetzung für Zugezogene...? :D ;)

Re: ADVENT ...

BeitragVerfasst: 02.02.2014 23:05
von Andrea1984
Advent, Advent, der Obstler brennt,
erst trinkst du 1, dann 2, dann 3, dann 4,
dann haust dir's Hirn an,
bei der Tür. ;)

Re: ADVENT ...

BeitragVerfasst: 05.03.2014 16:50
von Jo.
Haha :D

Re: ADVENT ...

BeitragVerfasst: 17.03.2014 14:10
von jerry
griaß eich, do bin i wieda!
thailaund und indonesien woa haaß, dreiahoib monat woan aa aunschtrengend.
owa jetzta kaunn i mi jo eahoin ... ^^


Jo, i bin sicha, du kaunnst des advent-gedichtl aa söwa iwasetzn! :D
andrea, dei kurzfossung is echt leiwaund! earinnat mi a wengal aun de glockn auf behmisch:
loch in erde,
bronze rin,
glock is fertig,
bim, bim, bim!

Re: ADVENT ...

BeitragVerfasst: 24.12.2019 11:03
von jerry
Falls hier noch jemand liest:

Schönes Weihnachtsfest und guten Rutsch ins neue Jahr!